拉筋壓得越多會越有效？
上拉筋班時久不久就會有同學問這個問題 ， 究竟拉筋係唔係壓得越多，
效果就會愈好？

其實係視乎返不同人的， 如果閣下本身係有運動習慣的人，
或者有拉筋的習慣，你想追求更高的柔軟度，拉筋時可以嘗試配合呼吸地壓多少少，
對於一些本身有拉筋習慣或者本身筋骨都算柔軟的朋友就可得到更好的效果。

相反， 如果個閣下本身係比較少運動，有痛症問題或者沒有拉筋習慣，
我會建議先從簡單開始， 當你拉筋時覺得有拉扯感覺就可以了，
適應後你可以慢慢配合呼吸再去拉多小小，而不要追求越多越好。

有很多人出現拉傷情況，部分就係因為太過心急去追求柔軟度， 覺得拉得越盡就係越好，
其實身體同肌肉係需要用時間同習慣去適應的， 如果你長年都沒有運動，
當然你要用更加多的時間去畀自己身體適應返是理所當然的， 記得千萬不要追求柔軟度，
反而令自已受傷！